الأول نوضح استخدامات العلاج بالدوا ده
الماده الفعاله في الدوا اسمها ايفرميكتين
Ivermectin
بتستخدم لعمل شلل لبعض الكائنات زي الديدان المعويه والحشرات الخارجيه وديدان القلب
الشلل نتيجه لتدخل الماده دي في عملية نقل الاشاراه العصبيه في الأعصاب ينتج عنها شلل
في الحيوانات الماده دي المفروض متوصلش للجهاز العصبي زي المخ او الاعصاب والا هتعمل نفس المشكله فيهم
يبقى نقضي على الديدان او الحشرات او الجرب وفي نفس الوقت نتخلص من الحيوان
في منظمه مهمه جدا عالميا اسمها منظمة الأغذيه والدواء الأمريكيه
FDA
المنظمه دي مسؤوله عن اعطاء التصريح باستخدام اي دواء سواء في الحيوان او الانسان طبعا بناء على أحدث الأبحاث
اقرت المنظمه دي استخدام الدوا ده لعلاج الديدان المعويه والحشرات الخارجيه في حيوانات المزرعه عن طريق الحقن تحت الجلد
زي الجمال والأبقار والجاموس والخيول
في حين منع استخدامها في الحيوانات الصغيره مثل الكلاب والقطط
وبالتالي يتم تصنيع الدواء بطريقه تناسب الحيوانات الكبيره والتركيز يناسب حجم ووزن هذه الحيوانات
اما بخصوص الكلاب والقطط
منعت المنظمه استنخدام مادة الايفرميكتين لعلاج اي شئ مما سبق
ولكن تستخدم فقط للوقايه وليس لعلاج الديدان القلبيه
ويكون جرعات الوقايه هذه عن طريق اقراص تؤخذ بالفم وليس حقن
طيب ايه الأضرار على الكلاب والقطط
مبدأيا كده القطط تستحمل الايفوميك شويه اكتر من الكلاب
بس في كل الحالات نظرا لأن الدوا اصلا مصنوع بحيث انه يناسب المواشي قبالتالي الجرعه اللي هنديها للكلب والقطه هتكون مش مظبوطه وده هيعرض القطه او الكلب لوصول الدوا للأعصاب ووصوله للمخ وبالتالي يسبب المشكله وينتج عنها الوفاه فورا
وللأسف كتير جدا من الأطباء والمربيين بيستعملوا الدوا ده للكلاب والقطط عن طريق الحقن وطبعا النتيجه هي ايذاء الحيوان وتعريضه لخطر الموت والشلل
وكمان ديدان القلب دي الحمد لله مش موجوده في مصر ووطنا العربي وبالتالي اصلا مش هنحتاج نستعمل الدوا القاتل ده ابدا ولا وقايه ولا علاج
الاعراض اللي ممكن نشوفها في قطه تسممت بالدوا ده
ترنح
عواء
فقد للشهيه
اتساع في حدقة العين
شلل في الأرجل الخلفيه تماما
رعشه
فقدان وعي
عمي
وبعض الاعراض العصبيه مثل التشنجات والانفعال ومحاولات تسلق الحوائط
وطبعا موت سريع جدا
اما في الكلاب هنشوف الاعراض دي
قئ
اتساع في حدقة العين
رعشات في العضلات
عمي
عدم اتزان
غيبوبه
جفاف والوفاه
كمان من انواع الكلاب المعرضه اكثر للتسمم بالماده دي بأقل جرعه من الدوا ده هي الكلاب اللي ارجلها لونها ابيض كأصل لون في سلالتها
زي كلاب الكولي(لاسي) والراعي الاسترالي
الأنواع دي ممنوع اصلا اعطاءها الماده عن طريق الأقراص للوقايه من الديدان القلبيه
يعني نستنتج انها مادة اصلا مخصصه للحيوانات الكييره وجهلا استخدمها الناس للكلاب والقطط
ومن خبرتي قابلت كثيرا حالات التسمم في الكلاب وطبعا لا يجدي معها العلاج لأنها بتكتشف متأخره وكمان الوفاه سريعه
اما القطط لأن الجرعه دايما بتكون كبيره عليها فبتموت والحقنه لسه مخرجتش من جسمها في ايد اللي بيحقن
دواء الايفوميك الحقن ممنوع تماما استخدامه في الكلاب والقطط
ويصح باستعمال الاقراص فقط للوقايه وليس لعلاج الديدان القلبيه
ليست هناك تعليقات:
إرسال تعليق